Durga Kavach


दुर्गाकवचम्

durga kavacham

 

Goddess Durga is the energy of all Gods & deities. Goddess Durga can remove all the obstacles and troubles from one's life. This Durga Kavach is a very simple and short kavach but is very powerful. This Durga Kavach has the ability to protect the sadhak and his family in every way.
 

Durga Kavacham Text

 

दुर्गाकवचम्

श्रीगणेशाय नमः |
ईश्वर उवाच |
श्रृणु देवि प्रवक्ष्यामि कवचं सर्वसिद्धिदम् |
पठित्वा पाठयित्वा च नरो मुच्येत सङ्कटात् ||१||

अज्ञात्वा कवचं देवि दुर्गामन्त्रं च यो जपेत् |
स नाप्नोति फलं तस्य परं च नरकं व्रजेत् ||२||

उमादेवी शिरः पातु ललाटे शूलधारिणी |
चक्षुषी खेचरी पातु कर्णौ चत्वरवासिनी ||३||

सुगन्धा नासिके पातु वदनं सर्वधारिणी |
जिह्वां च चण्डिकादेवी ग्रीवां सौभद्रिका तथा ||४||

अशोकवासिनी चेतो द्वौ बाहू वज्रधारिणी |
हृदयं ललितादेवी उदरं सिंहवाहिनी ||५||

कटिं भगवती देवी द्वावूरू विन्ध्यवासिनी |
महाबला च जङ्घे द्वे पादौ भूतलवासिनी ||६||

एवं स्थिताऽसि देवि त्वं त्रैलोक्ये रक्षणात्मिका |
रक्ष मां सर्वगात्रेषु दुर्गे देवि नमोऽस्तुते ||७||

||इति श्रीकुब्जिकातन्त्रे दुर्गाकवचम् सम्पूर्णम् |

 


Published on Jun 9th, 2015

Do NOT follow this link or you will be banned from the site!